نیوەڕۆی ئەمڕۆ لە ناحیەی تاسڵووجەی شاری سلێمانی تەقە لە هاوڵاتییەک کراو بریندارکرا.
سەرکەوت ئەحمەد بەڕێوەبەری راگەیاندن و پەیوەندییەکانی پۆلیسی پارێزگای سلێمانی لە لێدوانێکی ڕۆژنامەوانیدا ڕایگەیاند" لەلایەن چەند کەسێکی نەناسراوەوە تەقە لە هاوڵاتییەک کراوە لە ناحیەی تاسڵوجەی سەربە سلێمانی و تۆمەتبارانیش هەڵاتوون".
وتیشی" ئەو هاوڵاتیە لە ئێستادا رەوشی تەندروستی جێگیرە و فیشەک بەر قاچی ناوبراو کەوتووە".
ئاماژەی بەوەشکرد: هاوڵاتییەکە سکاڵای یاسایی تۆمارکردوە و هێزەكانی پۆلیسش دەستیان بە لێكۆڵینەوە لە رووداوەكە كردووە و تا ئێستا هیچ کەسێک دەستگیرنەکراوە.