لە بەغداوە بڕی دوو ملیار دیناری شایستەی دارایی جووتیارانی سنووری هەولێر گەیشتووەو سبەی یەەک شەممە دەست بە دابەشکردنی دەکرێت.
هێمن سەید موراد، بەڕێوەبەری چاودێریی بازرگانیی سایلۆی هەولێر لە لێدوانیکی رۆژنامەوانیدا رایگەیاندووە " بڕی دوو ملیار دینار ماوەی 10 رۆژێک دەبێت لە بەغداوە گەیشتووەتە هەولێر و دەست بە دابەشکردنی دەکرێت".
بەڕێوەبەری چاودێریی بازرگانیی سایلۆی هەولێر کە بە ماڵپەڕی کوردستان ٢٤ راگەیاندووە"ئەو جووتیارانەی لە رۆژانی 14، 15 و بەشێکی ئەوانەی لە 16ـی 6 گەنمیان رادەست کردووە، سبەی دەتوانن سەردانی سایلۆی هەولێر بکەن بۆ ئەوەی چەکی بانکی وەربگرن و لە بانکی حەمرین شایستە داراییەکانیان وەربگرن".