ژمارەیەک رۆشنبیرو رۆژنامەنووس بە توندی داخستنی نووسینگەکانی کەناڵی NRT لە هەولێر و دهۆک و ئازاردانی رۆژنامەنووسەکانی مەحکوم دەکەن.
لەو راگەیاندنەدا هاتووە " ئێمە وەک ژمارەیەک رۆژنامەنوس و نوسەر بە توندی ئیدانەی هەڵکوتانە سەر ئۆفیسی کەناڵی ئێن ئار تی لە هەولێر و دهۆک دەکەین کە رەفتارێکن دژی ئازادی رۆژنامەگەری و گەیشتن بە زانیاری و ئەم رەفتارانە هەوڵێکن بۆ بێدەنگکردنی میدیا و ئازادی رادەربرین.
دەقی راگەیەنراوەکە:
دەزگا ئەمنیەکانی هەولێر بەردەوامن لە سەرکوتکردن و پێشێلکردنی ئازادی رادەربڕین
ئەمڕۆ هێزە ئەمنییەکان لە شاری هەولێر چونە سەر نوسینگەی كەناڵی ئێن ئاڕ تی و دایانخست، پێشتریش دەستگیرکردنی پەیامنێران و دەستبەسەرداگرتنی نوسینگەی ئێن ئار تی لە دهۆک. هەروەها پۆلیس هۆشداریان داوەتە كارمەندانی نوسینگەی ئێن ئار تی لە هەولێر، كە بۆیان نییە كار بكەن و لە هەر شوێنێك بەردەوام بن لە كاركردن دەست بە سەر كەلوپەلە رۆژنامەوانیەكانیاندا دەگرن.
ئێمە وەک ژمارەیەک رۆژنامەنوس و نوسەر بە توندی ئیدانەی هەڵکوتانە سەر ئۆفیسی کەناڵی ئێن ئار تی لە هەولێر و دهۆک دەکەین کە رەفتارێکن دژی ئازادی رۆژنامەگەری و گەیشتن بە زانیاری و ئەم رەفتارانە هەوڵێکن بۆ بێدەنگکردنی میدیا و ئازادی رادەربرین.
بۆیە داواکارین هەموو ئەوانەی لەو خۆپیشاندانانەدا دەستگیر کراون ئازاد بکرێن و بریندارەکان چارەسەری پێویستیان بۆ بکرێت و نوسینگەی تەلەفزیۆنی ئێن ئاڕ تی-یش قەرەبو بکریتەوەو ئازاد بن لە روماڵکردنی روداوەکاندا . دەسەڵات دەست هەڵگرێت لە تۆقاندن و ترساندنی رۆژنامەنوسان و لەناوبردنی دەنگی جیاواز.
رەئوف بێگەرد
شوان محەمەد
ئاسۆس هەردی
سەردار محەمەد
ڕێبین هەردی
خالید سڵێمان
ئارام سەعید
پەروا عەلی
عەبدولڕەزاق شەریف
هیوا قادر
سیروان غەریب
ئەحمەد حاجی رەشید
خالید عەبدولكەریم