تەندروستی كەركوك ئەمڕۆ گیان لەدەستدانی چوار تووشبووی تری لە پارێزگاکە ڕاگەیاند. 

زیاد خه‌ڵه‌ف به‌ڕێوه‌به‌ری گشتی ته‌ندروستی كه‌ركوك به‌وه‌كاله‌ت ڕاگەیەندراوێکی نوێی لەبارەی پەتایی کۆرۆنا بڵاوکردەوە و رایگەیاند" له‌ ماوه‌ی ٢٤ كاتژمێری رابردوودا ١١٧ تووشبووی نوێی ڤایرۆسی كۆرۆنا تۆماركراوه‌".

ڕاشیگەیاندووە" هەر لەو ماوەیەدا چوار کەس بەهۆی پەتای کۆرۆنا گیانیان لەدەستداوە و ١٤٢ هاوڵاتی دیکەش کە هەڵگری پەتاکە بوون چاکبوونەوەو ڤایرۆسەکەیان تێپەڕاندووە". 

زیاد خەڵەف لە ڕاگەیەندراوەکەدا وتیشی" تا ئێستا كۆی تووشبووان لە پارێزگای کەرکوک گەیشتوەتە هەشت هەزار و ٢١٨ حاڵەت و ٣٥٩ حاڵەتی گیان لەدەستدان بە كۆرۆنا لە سنوری پارێزگاکە تۆماركراون، لە ئێستاشدا چوار هەزارو ٨٢٠ هاوڵاتی چاکبونەتەوە، کە دەکاتە ڕێژەی سەدا ٥٩ی کۆی تووشبووان".