سەرۆكایەتی هەرێم ناوەرۆكی كۆبوونەوەی نێچیرڤان بارزانی و ڕەجەب تەیب ئەردۆغانی بڵاوكردەوە
پاشنيوهڕۆى ئهمڕۆ ههينى نێچيرڤان بارزانى، سهرۆكى ههرێمى كوردستان له ئهنقهره لهگهڵ ڕهجهب تهييب ئهردۆغان سهركۆمارى توركيا كۆبووهوه.
بەگوێرهی راگهیهندراوێكی سهرۆكایهتی ههرێم، له كۆبوونهوهكهدا جهختيان له خواستى دوولايهنه بۆ برهودان به پهيوهندييهكانى ههرێمى كوردستان و توركيا، بهتايبهتى فراوانكردن و بهرزكردنهوهى ئاستى ئالوگۆڕى بازرگانى و هاريكارى و هاوبهشيى ئابوورى كردهوه، ههروهها تيشكيان خسته سهر دهرفهتى كار و وهبهرهێنانى توركى له كهرته جياوازهكانى ههرێمى كوردستاندا.
لە ڕاگەیەندراوەکەی سەرۆکایەتی هەرێم ئەوەش هاتووە" ههردوولا پوختهيهكيان لهبارهى بڵاوبوونهوه و بهرهنگاربوونهوهى پهتاى ڤايرۆسى كۆرۆنا و لێكهوتهكانى خسته ڕوو، لهمبارهيهشهوه بهڕێز سهرۆكى توركيا دووپاتى كردهوه كه وڵاتهكهى بۆ ههموو جۆره يارمهتيدان و هاوكارييهكى ههرێمى كوردستان ئامادهيه و ههموو پێداويستييهكى تهندروستى و پزيشكى پێشكهش دهكهن".
له تهوهرێكى ديكهى كۆبوونهوهكهدا باس له گفتوگۆى حكوومهتى ههرێمى كوردستان و حكوومهتى فيدرالى عێراق و دوايين ههنگاوهكان بۆ چارهسهكردنى كێشهكان و ئاڵۆزييهكانى سنوور كرا، ههروهها دۆخى گشتيى عێراق و ههوڵهكانى بۆ بهرهنگاربوونهوهى مهترسييهكانى داعش خرانه بهر باس.
سەرۆکایەتی هەرێم لە ڕاگەیەندراوەکەدا ئاماژەی بەوەشکردووە: دوايين پێشهاتهكانى دۆخى ناوچهكه بهگشتى، ههوڵهكان بۆ سهقامگيريى ناوچهكه و چهند پرسێكى جێى بايهخى ههردوولا، تهوهرێكى ديكهى كۆبوونهوهكه بوو.
PM:07:01:04/09/2020