هاوپەیمانان: لە ناوچە جێناکۆکەکان چوار ناوچەی هەماهەنگی نێوان سووپای عێراق‌و پێشمەرگە پێکدەهێنرێت

‌
وتەبێژێكی هاوپەیمانیی نێودەوڵەتیی شەڕی دژی ( داعش ) لە كۆنگرەیەكی رۆژنامەوانیدا ئاماژەی بۆ پێكهێنانی چوار ناوەندی هاوئاهەنگی لە نێوان پێشمەرگەی كوردستان و سوپای عێراق كرد لە ناوچە جێناکۆکەکان.


ئێوارەی ئەمڕۆ یەک شەممە لە هەولێر، لە كۆنگرەیەكی رۆژنامەوانیدا مایڵز كەیگینز وتەبێژ هاوپەیمانیی نێودەوڵەتیی رایگەیاند " هەردوو وەزارەتی پێشمەرگە و وەزارەتی بەرگریی عێراق گەیشتوونەتە ڕێككەوتن لەسەر پێكهێنانی چوار ناوەندی هاوئاهەنگیی لە ناوچە جێناکۆکەکان.


لە درێژی قسەکانیدا ئەوەشی خستەڕوو لە چەند هەفتەی رابردوودا مەسرور بارزانی سەرۆك وەزیرانی حکومەتی هەرێم و مستەفا كازمی سەرۆك وەزیرانی عێراق پێکەوە باسیان لە هاوئاهەنگی هاوبەش لە نێوان پێشمەرگە و سوپای عێراقدا، " ئەمەش لە پێناو پڕكردنەوەی ئەو بۆشاییە ئاسایشیەی لە ناوچە جێناکۆکەکان دروستبووەو داعش سوودی لێوەگرتووە بۆ دووبارە خۆڕێکخستنەوە".


ئەوەی تا ئێستا مایەی نیگەرانیە هەرێمی کوردستان دەیەوێت بنکەی هاوبەشی ئەو لیژنەی هەماهەنگیان لەقوڵایی ناوچە جێناکۆکەکان بن، بەڵام تا ئێستا بەغدا ئەمەی بەلاوە پەسەند نییە.  
 


PM:08:32:06/09/2020








ئەستێرەکان

Spee Media