سوپاسی پاسدارانی ئێران ئەمڕۆ شەممە رایگەیاند کە سەرجەم بارەگاکانی هێزە دژە شۆرشمان لە باکوری رۆژئاوای وڵات لە پارێزگای ورمێ وێران کرد.
یاریدەدەری ئۆپراسیۆنەکانی ( حەمزەی سەید شهدا)ی سەر بەسووپای پاسداران، عەمید ئیسماعیل خەلیل زاد بە ئاژانسی " فارس"ی راگەیاندووە" ژمارەیەک تیرۆریستمان لەسەر سنوری ئێران – تورکیا کردە ئامانج کە دەیانوویست دۆخی ئەمنی تێکبدەن".
ئەو بەرپرسەی سووپای پاسداران ئاشکرای کرد " ئەوە گەورەترین ئۆپراسیۆنی مێژوویە دژی تێکدەران، هەروەها تۆڵە سەندنەوەیە لە دژی ئەو کوشتارەی ئەو هێزانە لە پارێزگای کوردستانی ئێرانی ئەنجامیان دا".
بەپێی هەواڵی " تەسنیم " ئێرانی هێزی پیادەی سەر بەگاردی کۆماری ئێرانی هێرشێکی بەرفراوانیان کردۆتە سەر بارەگاکانی گرووپە " تیرۆریستیەکانی دژە شۆڕش".
ئەو هێرشانە چەند رۆژێکە بەردوامەو تا ئێستا لە باکوری رۆژئاوای ئێران درێژەی هەیە.