بریكاری پێشووتری وهزارهتی دارایی عیراق رایدەگەیەنێت" بهبۆچوونی من ههفتهی داهاتوو كێشهی مووچه بهگشتی له عیراق چارهسهر دهبێت ئهگهر بهگشتی چارهسهر بوو ئهوه حكومهتی عیراقی 320 ملیارهكهی كوردستانیش دهنێرێت".
فازیل نەبی بریكاری پێشووتری وەزارەتی دارایی عیراق بە دەنگی ئەمریكای ڕاگەیاند" مەسەلەی مووچە مەسەلەیەكی ژیانە لەكوردستان، پێویست بەوە دەكات حكومەتی هەرێمی كوردستان هەموو هەوڵەكانی بخاتەگەڕ بۆ دابینكردنی مووچە، بەڵام بەداخەوە هەروەكو سەرۆكی حكومەت و وەزیری دارایی ووتیان ئەوان ناتوانن بەئاسانی مووچە دەستەبەر بكەن، پێویست بەوە دەكات هەماهەنگی لەگەڵ بەغدا بكەن، ئێستا هەماهەنگییەك هەیە لەگەڵ بەغدا تا كۆتایی ساڵ دەبێت بەغدا مانگانە 320 ملیار دینار بداتە هەرێمی كوردستان، هەرێمی كوردستانیش لەبەرامبەردا نیوەی داهاتی سنورییەكان بداتە بەغدا، ئەگەر ئەو 320 ملیارە بێت حكومەتی هەرێمی كوردستان دەتوانێت مووچە بدات، بەڵام بە لێبڕین، واتە مووچە بەتەواوی نادات، هەروەكو چۆن لەدوو مانگی پێشووتر 21% ی بڕیبوو، لەو سنوورە دەتوانێت مووچە بدات، بەڵام پێویست بەوە دەكات كە حكومەتی هەرێم چاكسازی كرداری بكات، نەك چاكسازی تەنها وەكو یاسا دەربچێت لە پەڕلەمان".
وتیشی" حكومەتی كازمی ئەو بڕە پارەیەی ناردووە، ئەوەی كە لە یاسای بودجەدا هەبوو 452 ملیار بوو، بەڵام لەبەرئەوەی هەندێك كێشەو گرفت هەبوو لەسەر ئەوەی یاسای بودجەی 2019 ناكرێت وەكو خۆی جێبەجێبكرێت لە 2020لەبەر یاسای بەڕێوەبردنی دارایی، بۆیە ڕێكەوتنێكی تركرا واتە ئەوەی پێشتر یاسای بودجە بوو كە 452 ملیاریان دەنارد مانگانە هەموو مانگەكان ناردیان، بەڵام دواتر كازمی هات كێشەو گرفت دروستبوو لەسەر ئەوە، زۆر لەئەندام پەڕلەمانەكان وتیان بەگوێرەی یاسای بەڕێوەبردنی دارایی نابێت ئەو پارەیە بۆ كوردستان بچێت ئیتر ڕێكەوتنێكی تریان كرد، ڕێكەوتنی 320 ملیار دینار بوو، ئەو 320 ملیارە لە دوو مانگ مانگی پێشووتر ناردی بەڵام بەداخەوە ئێستا لەبەرئەوەی خۆی دووچاری تەنگەژەی دارایی بوووەتەوە عیراق خۆی تا ئێستا نەیتوانیووە مووچەی فەرمانبەرانی خۆی بدات هی مانگی 9، بۆیە ئەو 320 ملیار دینارەی نەناردووە، بڕیار وایە لەهەفتەی داهاتوودا ئەو كێشەیە چارەسەر بكرێت لەبەغدا".
ئاشكراشیكرد، ئەگەر بەم شێوەیەی ئێستا بێت بێ ئەوەی حكومەتی عیراقی پارە بنێرێت، حكومەتی هەرێم بەدوو مانگ دەتوانێت یەكجار مووچە بدات، واتە 50% مووچە مانگانە، بەڵام پێویست بەوە دەكات حكومەتی هەرێمی كوردستان یاسایەكی تر دەربكەن لەپەڕلەمانی كوردستان، یاسای چاكسازی لەبواری داهات بێت لە بواری خەرجییەكان بووە، بەڵام لەبواری داهاتەكان نییە، ئەگەر بێتو ئەو دوو چاكسازییە زۆر بە ڕێكوپێكی جێبەجێبكرێت ئەوكاتە حكومەتی هەرێم دەتوانێت مانگانە بە لێبڕینێكی كەم مووچەی خەڵكی كوردستان بدات.
بریكاری وهزارهتی پێشووتری دارایی عیراق ئهوهشی وت" بهبۆچوونی من حكومهتی ههرێمی كوردستان ههتا ههفتهی داهاتوو چاوهڕوان بكات چونكه به بۆچوونی من بهگوێرهی ئهو پهیوهندییهی كه من ههمه لهگهڵ بهغداد ههفتهی داهاتوو كێشهی مووچه بهگشتی له عێراق چارهسهر دهبێت ئهگهر بهگشتی چارهسهر بوو ئهوه 320 ملیارهكهی كوردستانیش دهنێرێت بهڵام ئهگهر هاتوو ئهو مهسهله ههر تهگهرهی تێكهوت و كێشهی بۆ دورست بوو بهبۆچوونی من حكومهتی ههرێمی كوردستان مووچهكهی خۆی ئهوهی كه لهبهر دهستیهتی بهچهند لهسهد دهتوانێت مووچه بدات دابهشی بكات و چاوهڕوانی بهغداد نهكات كهی ئهوهی بهغداد هات دهتوانێت ئهو كاتهی باقیاتی مووچهكه دابهش بكات".
دهشڵێت:"لهئێستادا حكومهتی ههرێم نایهوێت ئهمه بكات، بۆیه تاكه چارهسهر ئهنجامدانی چاكسازییه لهخهرجییهكانو داهاتدا، چونكه ئهگهر حكومهت چاكسازییهكی توندبكات ئهوكات خۆی دهتوانێت مانگانه موچهی خهڵك بدات بهلێبڕینێكی كهم".