حکومەتی هەرێم مووچەی مانگی نیسان نادات و مووچەی مانگی ئەیلول دابەشدەکات بە بڕینی ١٨% و داوا لە سەرجەم گەنجیەکان کراوە لیست ئامادە بکەن.
لە گشتاندنێکدا کە بۆ سەرجەم گەنجینەکان نێردراوەو کۆپیەکی دەست " سپی " کەتووە، تیایدا هاتووە " لەسەر راسپاردەی وەزارەتمان بفەرموون بە ئاگادار كردنەوەی گشت فەرمانگەكان و دامودەزگاكانی حكومەتی هەریمی كوردستان لەسەر رۆشنایی نوسراوی وەزارەتی دارایی حكومەتی فیدرال ژمارە ١٣٢٢٩ لە ١٥-٨-٢٠٢٠و
ئەنجومەنی وەزیرانی حكومەتی هەریمی كوردستان لە كۆبونەوەی ئاسایی رۆژی ٤ شەمە ٧-١٠-٢٠٢٠ بریاردرا بە پابەندبوون بەخشتەی دابەشكردنی موچەی وەزارەتی دارایی حكومەتی فیدرال".
هەروەها لە گشتاندنەکەدا هاتووە " بۆ ئەم مەبەستە، لیستی موچەی مانگی ٩ ی ٢٠٢٠ بە تەمویل كردنی ٨٢٪ ئامادە بكەن، وە پلە تایبەتەكان بەهەمان میكانیزمی مانگەكانی پیشوو".
بەم پێیە حکومەتی هەرێم بازی بەسەر پێنج مانگدا داو هاوکات بەبڕینی ١٨% مووچە دابەشدەکات، جگە لە پلە تایبەتەکان کە نیوەی مووچەکانیان وەردەگرن.