دوای ئەوەی دوێنێ وەزارەتی دارایی و ئابوری حکومەتی هەرێمی کوردستان خشتەی مووچەی سەرجەم وەزارەت و دەستەکانی بڵاوکردەوە، ئەمڕۆ پێنجشەممە فەرمانبەران و پزیشکانی وەزارەتی تەندروستی هەرێم موچەی مانگی ئەیلول وەردەگرن.
بەپێی خشتەكەی وەارەتی دارایی و ئابووری حکومەتی هەرێم، ئەمڕۆ پێنجشەممە ١٥ی تشرینی یەکەم موچەی وەزارەتی تەندروستی دابەشدەکرێت.
هەروەها بەپێی خشتەكە رۆژانی هەینی و شەممەش دابەشكردنی موچە بەردەوام دەبێت، سبەینێ مووچەی دیوان و لیواکانی وەزارەتی پێشمەرگە، یەکەکانی ٧٠ و ٨٠، وەزارەتی ناوخۆ، فەرماندەیی پێشمەرگەی زێرەڤانی و بەرگری و فریاکەوتن، لیوای نەوت و وەزارەتی دارایی بە لێبڕینی ١٨٪ـەوە دابەشدەکرێت.
هاوکات رۆژانی سێشەممە و چوارشەممەی هەفتەی داهاتوو مووچەی خانەنشینانی سەربازی و شارستانی دابەشدەکرێت و دابەشکردنی مووچەی مانگی ئەیلول کۆتایی دێت.