وەزارەتی دارایی هەرێم لە راگەیەندراوێکدا ئاشکرای دەکات لە چوارچێوەی جێبەجێکردنی یاسای چاکسازی، تەنها لە بڕگەی جیاوازی مووچەی شارەزاکان توانرا لەیەک مانگدا ٣٥٠ ملیۆن دینار بگەڕێنرێتەوە.
لەو راگەیەندراوەدا هاتووە " لە چوارچێوەی جێبەجێكردنی پڕۆژە یاسای چاكسازی، بە دیاریكراوی لە ماددەی ١٦ و بڕگەی دووەمی یاسای چاكسازی كە تایبەتمەندە بە خانەنشینی، بەرێوبەرایەتی گشتی خانەنشینی سەر بە وەزارەتی دارایی و ئابووری توانیان مانگانە نزیكەی ٣٥٠ ملیۆن دینار بگەڕێنێتەوە بۆ خەزێنەی حكومەتی هەرێمی كوردستان".
هەروەها هاتووە" بەڕێوبەرایەتی گشتی خانەنشینی حكومەتی هەرێمی كوردستان هەستان بە هەمواركردنەوەی لیستی موچەی پلەی شارەزاكان و دوای هەمواركردنەوەیان، توانرا جیاوازی موچەیان بۆ یەك مانگ نزیكەی (350) ملیۆن دینار بگەڕێندرێتەوە بۆ خەزێنەی حكومەتی هەرێمی كوردستان".
وەزارەتی دارایی ئاماژەی بۆ مادەی ١٦ و بڕگەی دووەمی یاسایی چاكسازی کردووە کە باس لەوە دەكات كە كار بەهیچ دەقێكی یاسایی یان بڕیارێكی ناكۆك لەگەڵ حكومەكانی ئەم یاسایەدا ناكرێت و هەڵوەشاندنەوەی یاسای خانەنشینی خاوەن وەزیفە باڵاكانی هەرێمی كوردستان-عێراق ژمارە (٣٦)ی ساڵی ٢٠٠ و جێبەجێكردنی یاسای چاكسازی بەسەریاندا