ماڵپەڕێکی جیهانی کەشوهەوا ئاماژە بۆ ئەوە دەکات کە چوار ڕۆژ بەفر لەناو شارەکانی هەرێمی کوردستان دەبارێت.

ماڵپەڕی ئەکواویزەر کە ماڵپەڕێکی جیهانی کەشوهەوایە، ئەوە دەخاتەروو، لە ڕۆژانی ( ٧ ، ١١ ، ١٦ ، ١٩ )ی مانگی کانونی دووەمی ٢٠٢١ بەفر لەناو شارەکانی هەرێمی کوردستان دەبارێت، هاوکات لە ڕۆژی ٢ی مانگی شوبات-یش بەهەمان شێوە بەفر دەبارێت.

ئەکواوێزەر لە ساڵی ١٩٦٢ لەسەر دەستی جویل مایرز دامەزراوە کە خوێندکاری خوێندنی باڵا بووە لە زانکۆی پەنسلڤانیا و ماستەری هەیە لە پێشبینی کەشوهەودا و پێشتر لە کۆمپانیایەکی غاز لەو ویلایەتە کاریکردووە.