خۆپیشاندانەکان لە سلێمانی و ناوچەکانی سەر بە هەردوو پارێزگای سلێمانی و هەڵەبجەو، هەردوو ئیدارەی راپەڕین و گەرمیان بەردەوامەو هێزە ئەمنییەکان جگە لەبڵاوەپێکردنی هێزێکی زۆری سەربازی و ئەمنی بەناو شارو شارۆچکەکانی کوردستان، هاوکات دەستیان کردووە بە دەستگیرکردنی ژمارەیەکی بەرچاو لە خەڵک و لە ناوچانەی خۆپیشاندان تیایدا گەرمە.
بەپێی زانیارییەکانی ماڵپەڕی " سپی " لە رانییە بە دەیان کەسی چالاکوان و خۆپیشاندەر دەستگیر کراون، هەروەها لە دوکان و پیرەمەگروون و سەیدسادق وگەرمیان و ناوجەرگەی سلێمانیش بە دەیان کەس دەستگیر دەکرین.
" سپی " زانیوویەتی بەشی هەرە زۆری ئەو دەستگیرکردانەی هێزە ئەمنییەکان ئەنجامی دەدەن لەدەرەوەی فەرمانی دادگا و دادوەرەکان ئەنجام دەدرێن.
دە رۆژە لە پارێزگای سلێمانی و هەڵەبجە و هەردوو ئیدارەی راپەڕین و گەرمیان خۆپیشاندان بەردەوامە ٨ کەس بوونەتە قوربانی کە ٧ مەدەنین و ١ پاسەوانی بارەگایە، بە دەیان کەسانی مەدەنی و هێزە ئەمنییەکانیش برینداربوون.