بڕیارە پێشنیوەڕۆی سبەینێ دووشەممە لە دژی بەرزبوونەوەی نرخی دۆلار و جێگیرکردنی بەرانبەر بە دیناری عیراقی و کەمی کارەبا خۆپیشادانی چین و توێژە جیاوازەکان لە شاری کەرکوک بەڕێوەبچێت.
لە راگەیەندراوەکەدا گرووپی شەقام لە کەرکوک ئاماژەیان بەوەکردووە" سبەی دووشەممە دژی بەرزبوونەوەی نرخی دۆلار و جێگیرکردنی بەهای دۆلار بەرانبەر بە دیناری عیراقی و کەمی کارەبا لە کەرکوک خۆپیشادانێکی جەماوەر بەرێوە دەچێت".
لە راگەییەندراوەکەدا باس لەوەشدەکەن" خۆپیشادانە جەماوەرییەکەی کەرکوک کاتژمێر ١١:٠٠ی پێشنیوەڕۆ لەبەردەم بینای پارێزگای کەرکووک بەڕێوەدەچێت".
لەلایەکی تریشەوە، بڕیارە هاوشێوەی کەرکوک لە بەغداش دژی بەرزبوونەوەی بەهای دۆلار بەرامبەر دیناری عیراقی سبەینێ دووشەممە کاتژمێر ٣:٠٠ی پاشنیوەڕۆ خۆپیشاندەن بەڕێوەبچێت.