پەرلەمانتارێک رەخنە لە کڕینی کارەبا لە تورکیا دەگرێت و دەڵێت" لە كوێی دونیا هەبووە هەرێمێك خۆی ٥٠٠ میگا وات بفرۆشێت بە وڵاتی تر و دوای ئەوە هەر ئەو هەرێمە ٢٠٠ میگا كارەبا لە شوێنیكی تر بكڕێت؟".
پەرلەمانتاری عێراق، د.غالب محەمەد لە پۆستێکدا لەبارەی کڕینی کارەباوە لە تورکیا هێرشدەکاتە سەر حکومەتی هەرێم و بە فاشیل ناوزەدی دەکات و دەڵێت " وتەبێژی حکومەتی هەرێم دەڵێت: لەدوای سەری ساڵ ٢٠٠ مێگاوات كارەبا لە توركیا دەكڕین، ئەوەی لە توركیای دەیكڕین نرخی یەك كیلۆوات کاژێرێکی نزیكەی ٦ بۆ ٧ سەنتە، بەڵام ئەگەر خۆمان بەرهەمی بهێنین دوو هێندە دەكەوێت” لێرە دا پرسیار دێتە ئٔاراوە؟".
ئەو پەرلەمانتارە دەپرسێت " كارەبای توركیا بۆ هەرزانتر بێت، لە كاتێكدا غاز لە دەروەی توركیا دەكڕێت و سوتەمەنیش لە دەرەوە دەكڕێت! كەچی ئێمە لە هەرێمی كوردستان غازی خۆمان و سوتەمەنیش دەتوانین پەیدا بكەین هەر لە هەرێمی كوردستان! ".
د. غالب محەمەد دەشپرسێت " لە كوێی دونیا هەبووە هەرێمێك خۆی ٥٠٠ میگا وات بفرۆشێت بە وڵاتی تر و دوای ئەوە هەر ئەو هەرێمە ٢٠٠ میگا كارەبا لە شوێنیكی تر بكرێت؟؟.
لە کۆتاییدا دەڵێت "باشە دەسەڵاتی فاشلی هەرێم ئێوە شەرمناكەن كارەبای هەرێمەكە دەفرۆشن و دوای ئەوە كارەبا لە توركیا دەکڕن، لە كۆتایشدا ٧ سەعات كارەبا هەیە"!.
ئەمرۆ وتەبێژی وەزارەتی کارەبای هەرێم رایگەیاندووە، بەهۆی کەمی کولفەی نرخی کارەباوە لە تورکیا کە لەهەرێم کەمتری تێدەچێت، هەرێم بڕیاری داوە ٢٠٠ مێگا کارەبا لە تورکیا بکڕێت.