ئێوارەی ئەمڕۆ پێنجشەممە فڕۆكه‌ جه‌نگییه‌كانی توركیا  بۆردومانی چەند ناوچەیەکی هەرێمی کوردستانی کرد.

بەپێی زانیارییەکان، ئێوارەی ئەمڕۆ فڕۆكە جەنگییەكانی سووپای توركیا دەستیان كرد بە بۆردوومانكردنی گوندی ئاڵیەڕەش و چەند گوندێکی دیکەیان لە بناری قەندیل بۆردوومان کرد، کە ئەمەش ترس و دڵەڕاوکێی لای دانیشتوانی ئەو شوێنە دروستكردووە. 

تاكو ئێستا لەبارەی زیانە گیانی و مادییەكانی بۆردوومانەكەوە زانیاری ورد لەبەردەست نییە.