عێراق گەشتی بۆ ١٩ وڵات قەدەغەکرد

‌
بۆ رێگریکردن لە هاتنی ڤایرۆسە نوێکەی کۆرۆنا حکومەتی عێراق  گواستنەوەی گەشتکردنی هاووڵاتیانی بۆ ١٩ وڵات قەدەغەکرد.



لیژنەی باڵای تەندروستی و سەلامەتی عێراق ئەمشەو لە راگەیاندراوێکدا ئەو وڵاتانەی ئاشکرا کرد کە عێراقییەکان ناتوانن سەفەری بۆ بکەن، لەوانە(بەریتانیا، نەمسا، بەلجیکا، فنلەندا، فەڕەنسا، جۆرجیا، ئەڵمانیا، یۆنان، ئیرلەندا، لۆکسمبۆرگ، سلۆفاکیا، ئیسپانیا، بەرازیل، ئەمەریکا، هیند، ئوستراڵیا، باشوری ئەفریقیا، زامبیا).

  

هەروەها، ئاماژە بە قەدەغەکردنی هاتنە ناوەوەی گەشتیارانی ئەو ١٩ وڵاتە کراوە بۆ عێراق جگە لەو هاووڵاتیە عێراقییانەی کە لەو ١٩ وڵاتانەوە دەگەڕێنەوە و بە مەرجی ئەوەی کە بخرێنە بەر کەرەنتینە و پشکنین.   


  
داواش کراوە سزای ئەو شوێنە گشتییانە بدرێت کە پابەند نابن بە رێنمایی و رێکارە تەندروستییەکان بە پێبژاردنی ماددی کە بڕەکەی زیاتر نەبێت لە پێنج ملیۆن دینار.  
 


PM:10:05:13/01/2021








ئەستێرەکان

Spee Media