بەپەلە.. ئاگادارییەک بۆ ئەوانەی سبەینێ دەچن بۆ سەیران

بەڕێوەبەرایەتی ئاوی سلێمانی، ئاگاداری ئەو هاوڵاتیانە دەکاتەوە کە سبەینێ دەچنە گەشت و سەیرانگەکان و داوایان لێدەکات بەھیچ شێوەیەک ئاوی "قەشقۆڵی (دوکان)" بۆ خواردنەوە بەکارنەھێنن.

لەو ڕاگەیەندراوەدا هاتووە "لەکاتی گەشت و سەیراندا لەرۆژانی نەورۆزو دواتر بەھیچ شێوەیەک پیسی و خاشاک فڕێنەدانە دەریاچەی دوکان لەدوای تەواو بونی گەشت و سەیرانەکەیاندا دەبێتە ھۆی پیسبوون و گرفت بۆ ئامێرەکانی پاڵاوتنی پڕۆژەکانیان"

فەرمانگەی ئاوی سلێمانی ڕاشیگەیاندووە خۆتان بەدوور بگرن لەمەلەکردن لەدەریاچەی دوکان، ساڵانە بەھۆی مەلەکردن لەو دەریاچە چەندین کارەساتی دڵتەزێن و خنکاندنی لێدەکەوێتەوە و بۆگەڕان بەدوای تەرمەکان دەبێت ئاوی بەنداوەکان بگیرێتەوە، بەمەش دابەشکردنی ئاو بۆماوەیەک لەشاری سلێمانی و ئەو قەزاو ناحیەنەی ئاو لەوپڕۆژەیە وەردەگرن دەوەستێت .

داواشی کردووە بەھیچ شێوەیەک ئاوی قەشقۆڵی بۆ خواردنەوە بەکارنەھێنرێت و داواشدەکات ھاوڵاتیان ئاوی پێویست بۆ خوادنەوە لەگەڵ خۆیاندا ببەن.





ئه‌م بابه‌ته 20779 جار خوێنراوه‌ته‌وه‌‌

PM:07:13:20/03/2017