کەشناسی هەرێم کۆی گشتی بارانبارینی ئەمساڵی بڵاوکردەوە و تا ئێستاش لە سلێمانی ۷٨٥ ملم باران باریوە.
بەپێی ڕاگەیەندراوێکی بەڕێوەبەرایەتی کەشناسی و بومەلەرزەزانی هەرێم، تا ئێستا لە هەولێر ٣٦٠.٩ ملم باران باریوە، لە سلێمانی ٧٨٥.٥ ملم، دهۆک ٤٠٠.٨ ملم، کەرکوک، ٢٧١.٧ ملم و لە هەڵەبجەش ٤٨٤.٦ ملم باریوە.
لە ڕاگەیەندراوەکەدا هاتووە، زۆرترین باران لە قەزای پێنجوێن باریوە کە ٨٩٠.٤ ملم بارانە، دوای ئەویش قەزای مێرگەسۆری سەر بە پارێزگای هەولێر دێت کە ٨٤٧.٨ ملم بارانی لێ باریوە.
هاوکات لەماوەی ٢٤ کاتژمێری ڕابردوودا بارانبارین بەڕێژەی جیاواز لە شارەکانی هەرێم بەردەوام بوو، زۆرترین بارانیش لە قەزای ئامێدی باری کە ١٤.٦ ملم بوو، هەروەها دوای ئەویش لە سلێمانی زۆرترین بڕ باری کە ١٠ ملم بوو.