دەسەلاتی پارێزگای سلێمانی قۆرخکرابوو ! ؟
فەرەیدون کونجرینی
پارێزگای سلێمانی و ئیدارەی دەسەلاتی لەلایەن پارتی و یەکێتیەوە قۆرخ کراوەو پاش جاوەڕوانیەکی زۆر لە جێبەجێ نەکردنی داوای هاوڵاتیان و پڕۆژەکانی پارێزگای سلێمانی لەلایەن ئەنجومەنی وەزیرانی هەولێر، سەردار قادر ڕایــگەیاند چیدی لەو پۆستەدا نامێنێت " بێـگـومان هەر کەسێك بەوجۆرە لەپێگەدابێت و دەسەڵاتی قۆرخ کرابێت وازهێنانی باشترە" ئەو قۆرخکاری و خنکاندنی دەسەڵاتەی پارێزگاری سلێمانی و هاوکاری نەکردنی نەخشە ڕێگای پارتی و یەکێتیە تا دەسەڵاتی ئیداری لە بزوتنەوەی گۆڕان بسەنەوە.
لەسالانی ڕابوردودا دەسەلاتی ئەنجومەنی گشتی پارێزگای سلێمانی پشکی زۆرینەی لای یەکێتی بوەو پارتی بەڕێژەیەکی کەم ، توانیویانە بەداهاتی کۆمپانیاکانی حیزب کەموکورتیەکان چارەسەربکەن بەڵام بزوتنەوەی گۆڕان پارەی دزی و نەوتی ڕش و گومرکی نیە تا بەداهاتەکەی کێشەکانی پارێزگای سلێمانی چارەسەرکا " هاوشێوە ڕابوردو یەکێتی و پارتی دەتوانن بەو بەشە داهاتە تەرخانکراوەی لە داهاتی نەوت بۆ حیزبەکەیان تەرخانکراوە و داگیریانکردوە و سالەهای ساڵە دەسی بەسەرداگیراوە پارێزگای سلێمانی بەبێ کێشە بهێڵنەوە.
لەبۆشایی پارێزگای سلێمانیدا یەکێتی یان پارتی پۆستی پارێزگاری سلێمانی وەردەگرن و ناهێڵن ئەو پۆستە وەك پۆستی پەرلەمانی لێبێت " خۆ ئەگەر نەبێت دابەشی دەکەن تا بۆ هاوڵاتیانی بسەلمێنن جیاوازی ئیداری گۆڕان و یەکێتی و پارتی تا جەند جیاوازیان هەیە" پاش وەرگرتنی پۆستی پارێزگای سلێمانی بۆ هەریەك لەو دولایەنە" بە داهاتی حیزب و حکومەت موچەی فەرمان بەران و کێشە ناوخۆیەکانی شارو شارۆچکەو گوندەکان چارەسەر دەکەن ، بەمەش کڕینەوەی هاوڵاتیان بەنرخێکی هەرزان بۆ پارتی و یەکێتی ئاسان دەبێت لە سنوری سلێمانی "
پاش چارەسەرکردنی کێشە ناوخۆیەکانی سلێمانی بەتایبەت فەرمان بەران ئەم دەستلەکار کێشانەوەی سەردار قادر بەکاردێنن لەهەڵبژاردنەکانی داهاتودا بەکارهێنانێک بۆ شکاندنەوەی بزوتنەوەی گۆڕان و چەواشەکاری بیروڕای خەڵکی هەژار" بەم پلانە چەواشەکاریە هاوڵاتیانی شاری سلێمانی و پارێزگاکانی هەرێمی کوردستان دڵنیا دەکەنەوە لەوەی بزوتنەوەی گۆڕان نەیتوانیوە ئیدارەی شارێك بەرێت بەڕێوە ئەی چۆن ئەرکی حکومەت ئەنجام دەدات و کێشەکانی سێ پارێزگا چارەسەر دەکات" ئەمە دەبێتە گوتاری هەڵبژاردنەکانی لایەنی نەخشە داڕێژ .
داگیر کردنی پۆستی پارێزگای سلێمانی زۆر لە پۆستی سەرۆکایەتی پەرلەمان گرنگترە چونکە پارێزگای سلێمانی لایەنگری پارتی کاڵبۆتەوەو دەیانەوێت خەڵکی ئەوناوچەیە بگەڕینەوە سەر هەمان هێڵی 19 ساڵی حوکمی دەسەڵاتیان " ئەمەش سیاسەتێکی خەیاڵی پارتی و یەکێتی دەبێت و شکست دێنن لەوەی بەجەواشەکاری هاوڵاتیان بێنەوە هەمان ئاستی کۆیلەکردن " هەر لەسەرەتاوە پلانی بۆ داڕیژراوەو ناویان لێناوە قەیرانی دارایی .
04/05/2017
وتارەکانی تری نوسەر