دادگای لێکۆڵینەوەی هەولێر فەرمانی دەستگیركردنی بۆ رۆژنامەنووس رێبوار كەریم وەلی دەرکرد.
بەپێی نوسراوێک کە کۆپییەکی دەست ماڵپەڕی (سپی) کەووتووە، واژۆی دادوەر عیماد فارس رەشید، دادوەری دادگای لێكۆڵینەوەی هەولێری لەسەرە و ڕۆژی ١٧ی ئایاری ٢٠٢١ دەرچووە و ئاڕاستەی سەندیکای رۆژنامەنوسانی کوردستان کراوە، تیایدا هاتووە" پێویستە زانیاری تەواومان بۆ رەوانە بکەن دەربارەی تۆمەتبار رێبوار کەریم وەلی، ئەگەر ئەندامی سەندیکاکەتانە وێنەیەک لە ناسنامەی و بەڵگەنامە کەسییەکانی تۆمەتباری ناوبراومان بۆ رەوانە بکەن".
هەر بەپێی نوسراوێکی تری دادگای هەولێر کە ڕۆژی ٢٣ی ٣ی ٢٠٢٠ دەرچووە تێیدا هاتووە، رێبوار كەریم وەلی بابەتێكی بڵاوكردوەتەوە لە تۆڕی كۆمەڵایەتی فەیسبووك و هانی خەڵكی دەدات بۆ شكاندنی قەدەغەی هاتووچۆ، تۆمەتبار دەستگیربكرێت بەپێی ماددەی دووی خراپ بەكارهێنانی پەیوەندیكردن.