بە تۆمەتی رفاندنی خەڵکی لە دەرەوەی ئێران، ئەمەریکا سزای چوار بەرپرسی دەزگای هەواڵگری ئێراندا سەپاند.
وەزارەتی گەنجینەی ئەمهریکا لە راپۆرتێکدا رایگەیاند" دەزگا هەواڵگرییەکانی ئێران چەندین پیلانیان بۆ رفاندنی خەڵك و بێدەنگ کردنیان لە دەرەوەی ئێران دارشتووە".
راپۆرتەکە ئەوەش دەخاتەڕوو، هەریەکە لە (عەلی رەزا فەراهانی، مەحمود خازەین، کیا سادقی و ئومید نووری) لە دەزگای هەواڵگری ئێران کاریان کردووە و پلانیان بۆ رفاندنی هاوڵاتیانی ئێرانی لە ئەمهریکا، بەریتانیا، کەنەدا و ئیمارات داڕشتووە".
وەزارەتی گهنجینهی ئەمهریکا لە راپۆرتێکدا جگە لە سەپاندنی سزا بەسەر ئەوە چوار بەرپرسەدا، وردەکاری تاوان و هەوڵ و پلانەکانی ئەو تۆڕە سیخورییەی ئێران بۆ رفاندنی خەڵکی، کە ئەو چوار بەرپرسە ئێرانیە کاریان تێدا کردووە، بڵاوکردوەتەوە.