نرخی نەوت بەردەوامە لە بەرزبوونەوە
بەیانی ئەمڕۆ چوار شەممە ١٥ ی ئەیول نرخی نەوت بە هەردوو جۆرەکەیەوە، برنت و خاوی ئەمەریکی بەراورد بە دوێنێ لە بازاڕی جیهانی نەوتدا بەردەوامە لە بەرزبوونەوە.
نرخی یەک بەرمیل نەوتی برنت لە ئێستادا بە ٧٤ دۆلار و ١٦ سەنتە، لە دوا داخستندا بە ٧٣ دۆلار و ٦٠ سەنت بوو.
نرخی یەک بەرمیل نەوتی خاوی ئەمەریکی بە ٧٠ دۆلارو ٩٧ سەنت، لە دوا داخستندا بە ٧٠ دۆلار و ٤٦ سەنت بوو.
بەرزبوونەوەی نرخی نەوت پەیوەندی بە سیاسەتی نەوتی رێکخراوی ئۆپێک پلەسەوە هەیە کە ئەم مانگە هیچ برێکی زیادەی نەخستە بازاڕەوە، ئەمەش یارمەتی دا نرخی نەوت سەرتر بکەوێت.
AM:09:01:15/09/2021