ئەڤرۆ روژا دوشەمبی ژ چارچوڤێ ئینانا یاریزانان و بەرهەڤکرنا تیما فوتسالا ئافرەتێن دهۆک بۆ هەردوو خولێن هەرێما کوردستانێ و عیراقێ ستێرا فوتسالێ سیپەل شوکر ب فەرمی هەڤبەستا ئافرەتێن دهۆک ئیمزا کر دێ مل بملێ خویشکێن خوە بەرگریێ بۆ بلندکرنا ناڤێ دهۆکێ کەت.
لدور ڤێ هەڤبەستێ سەروکا یانێ چریسک یونس دیارکر لدیف پلانێن کارگێریا یانێ بۆ بهێزخستنا ئاستێ تیما فوتسالا ئافرەتێن دهۆک ب فەرمی گەهشتینە رێککەفتنێ و هەڤبەستا یاریزانا ستێرا کوردستانێ و عیراقێ یا بەرنیاس یا ڤێ یاریێ سیپەل شوکر ئیمزاکر.
ژلایێ خوە ڤە د ڤی دەربارەی دا سیپەل شوکر بۆ راگەهاندنا یانێ دلخوشیا خوە هەمبەر ئیمزاکرنا هەڤبەستا یانا ئافرەتێن دهۆک دیارکر ئەو دێ ب هەمی شیانێن خوە کارکەت پێخەمەت بلندکرنا ناڤێ یانێ ل سەرانسەری کورستان و عیراقێ و ناڤێ دهۆک گرنگترین دەستکەفتە بگەهینتە گوپیتکێ دگەل خویشکێن یێن یاریزان د تیمێ دا.
راگەیاندنی ئافرەتانی دھۆک