دوای ئەوەی شەوی ڕابردوو بەلەمێکی کۆچبەران لە نێوان کەناراوەکانی فەڕەنسا و بەریتانیا نقووم بوو و (٣١) کۆچبەر خنکان، ئێوارەی ئەمڕۆش تەرمی کۆچبەرێکی تر دۆزرایەوە.
بە گوێرەی زانیارییەكان، زۆربەی ئەو كۆچبەرانەی شەوی ڕابردوو هەوڵیاندا لە نۆكەندی مانشی نێوان فەرەنسا و بەریتانیا بپەڕنەوە، كوردی عیراق و ئێران بوون، هاوکات ئەمرۆش تەرمی كۆچبەرێكی دیكە لە كەناراوەكانی فەڕەنسا دۆزرایەوە.
شەوی رابردوو، لە سنوورە ئاوییەکانی نێوان فەڕەنسا و بەریتانیا بەلەمێکی کۆچبەران کە هەڵگری ژمارەیەک کۆچبەری کورد بوو ژێر ئاوکەوت و بەهۆیەوە (٣١) کەس کە ژن و منداڵیان تێدا بوو خنکان، وەزیری ناوخۆی فڕەنساش رایگەیاند" قاچاخچییەكان هاوڵاتیان فریودەدەن و بەرپرسیاری یەكەمی ئەو كارەساتەن".
ئەوەشی خستەڕوو، هێزە ئەمنییەكان لە كەناراوەكانی فەڕەنسا رێوشوێنی ئەمنی توندیان گرتۆتە بەر.