بەهۆی چوونە ژوورەوەی  کەسێکەوە لە گەرمیان کە بە هاوڵاتیانی وتووە خۆم دە تەقێنمەوە مزگەوتێک بەتەواوی چۆڵکرا.

کەسێکی گوماناوی لە مزگەوتێکی قەزای کفری دوای ئەوەی دەچێتە ژوورەوە و بە هاوڵاتیانی وتووە "خۆم دەتەقێنمەوە" هەر بەو هۆیەشەوە مزگەوتەکە چۆڵکراوە.

هەر بە پێی زانیارییەکان، ئەمڕۆ یەکی ئایار، کاتێک خەڵکی سەرقاڵی نزا و پاڕانەوە بوون لە مزگەوتی فیرۆس-ی کفری، کەسێک بە جلی ژنانەوە چووەتە نێو بەشی ژنانی مزگەوتەکە و گوتویەتی خۆم دەتەقێنمەوە، بەو هۆیەوە مزگەوتەکە چۆڵکراوە.

دوای رووداوەکە چەند مەفرەزەیەکی هێزە ئەمنییەکان گەیشتنە شوێنی رووداوەکە و لێکۆڵینەوەیان دەستپێکردووە.

سەرچاوەیەکی ئاگاداری ئەمنی  لەسەر ڕووداوەکە باسی لەوەکرد، لە لێکۆڵینەوە سەرەتاییەکان دەرکەوتووە ئەو کەسە پیاوە و بە جلی ژنان چووەتە ناو مزگەوتەوە، لێکۆڵینەوەی زیاتر لەو بابەتە دەکرێت.