دەستەی کەشناسی
عێراق رایگەیاند، "لە ئێستادا شەپۆلێکی خۆڵبارینی چڕ وڵاتی کوەیت و سعودییە
گرتووەتەوە و رۆژی هەینی داهاتووش کاریگەرییەکانی ئەو شەپۆلە لە عێراق و هەرێم
دەردەکەون".
دەستەی کەشناسی عێراق لە راگەیەندراوێکدا ئاماژەی بەوەکرد "
ئەمڕۆ سێشەممە، شەپۆلێکی چڕی خۆڵبارین هەردوو وڵاتی کوەیت و سعودییەی گرتەوە و
بەوهۆیەشەوە لە ئێستادا کەشوهەوای ئەو وڵاتە گۆڕاون بۆ خۆڵبارین و مەودای
بینینین-یش کەمبووەتەوە، سەرەڕای ئەوەش گەشتی فڕۆکەخانەکانی ئەو دوو وڵاتە
راگیراون تاکو کاتی ئاسایبوونەوەی کەشوهەوا لە وڵاتەکەیاندا".
هەرلە ڕاگەیاندراوەکەدا ئەوەش هاتووە، ئەو
شەپۆلە خۆڵبارینەی سعودییە و کوەیتی گرتووەوە رۆژی هەینی داهاتوو دەگاتە عێراق و
کاریگەرییەکانی لە وڵاتدا دەردەکەون.
هەروەها وتیشی " لە رۆژی هەینی داهاتووەوە جارێکی دیکە
رێژەی خۆڵبارینەکە لە عێراق و هەرێمی کوردستان زیاددەکات و ئاسمان دەگۆڕێت بۆ
تۆزاوی و پلەکانی گەرماش زیاتر بەرزدەبنەوە".