کۆمپانیای دانەغاز بڵاویکردەوە، کارکردنیان لە پرۆژەی
فراوانکرنی کێڵگەی کۆرمۆر بە شێوەیەکی کاتی راگرتووە.
ئەمڕۆ ٢٧ی حوزەیران، کۆمپانیای دانەغاز لە راگەیەندراوێکدا ڕایگەیاند
" ئەو هێرشە مووشەکیانەی لە چەند رۆژی رابردوودا کرانەسەر کێڵگەی غازی کۆرمۆر
هیچ زیانێکی گیانی و ماددیان نەبووە و بەرهەمهێنانی غازی سروشتی بەشێوەیەکی ئاسایی
لەو کێڵگەیە بەردەوامە، بەڵام بڕیارمانداوە کارکردنمان لە پرۆژەی فراوانکردنی
کێڵگەی ناوبراو بۆ ماوەیەکی کاتی رابگرین".
هەر لە
ڕاگەیاندراوەکەدا ئەوەش هاتووە " راگرتنی کارەکان لە پرۆژەی فراوانکردنی
کێڵگەکە تاوەکو ئەوکاتە دەبێت کە بارودۆخی ئەمنی ناوچەکە ئاسایی دەبێتەوە، هەروەها
لەگەڵ حکومەتی هەرێم و حکومەتی عێراق هەماهەنگی دەکەین و ناوبراوان پشتیوانی خۆیان
دەربڕیوە".
ئەوەش هاتووە "
وەک وەڵامدانەوەیەک بۆ ئەو هێرشانەی لە چەند رۆژی رابردووشدا کرایەسەر کێڵگەی غازی
کۆرمۆر، حکومەتی هەرێمی کوردستان کۆمەڵێک رێککاری گرتووەتەبەر و هێزی سەربازیی
زیاتری بۆ پاراستنی کێڵگە و دامەزراوەکانی ناوچەکە ناردووە".
ئەمەش لە کاتێکدایە، چەندین
جار کێڵگەی غازی کۆرمۆر لە ناحیەی قادرکەرەمی سەر بە قەزای چەمچەماڵ بە مووشەکی
کاتیۆشا هێرشکرایە سەری، بەڵام هێرشەکان هیچ زیانێکی گیانی و ماددییان لێنەکەوتەوە.