ئالان حەمەسەعید ساڵح، وەزیری پەروەردەی حكومەتی هەرێم لە ڕوونكردنەوەیەكدا رایگەیاندووە "لابردنی خوێندنی پەروەردەی ئیسلامی لە قۆناغەكانی خوێندن هیچ بنەمایەكی نییە ، ئەم بابەتە چەندین جار ڕوونكردنەوەی لەسەر دراوە، بەداخەوە ساڵانە ئەم بابەتە بەناڕەوا دەوروژێندرێت، پار ساڵیش هەمان قسە كرا و بەڵام بانگەشەكارانی ئەم بابەتە لە ساڵی خوێندنی (2021-2022) جگە لە ئیحراجی هیچیان بۆ نەمایەوە كە بینیان كتێبەكانی پەروەردەی ئیسلامی بە جوانترین و نوێترین شێواز دیزاین كراون."  

ناوبراو وتویەتی "لێرە بەڵگەی ئەوە دەخەمە ڕوو كە ئێمە ئێستا لە قۆناغی چاپكردنی كتێبەكانین بۆ ساڵی نوێی خوێندنی (2022-2023) یەكەم كتێب كە چاپمان كردبێت كتێبی پەروەردەی ئیسلامییە."