وەزارەتی پێشمەرگەی هەرێم، بڵاوی کردەوە، خشتەی
پلە بەرزكردنەوەی ساڵانی ٢٠١٨ و ٢٠١٩ی هێزەكانی پێشمەرگە گەڕایەوە وەزارەتی پێشمەرگە.
وەزارەتی پێشمەرگەی هەرێم لە ڕاگەیانراوێكدا بڵاویكردەوە،
ئەمڕۆ چوار شەممە،٦ی تەموزی ٢٠٢٢، دوای رەزامەندی سەرۆكی هەرێمی كوردستان و سەرۆكی
حكومەتی هەرێمی كوردستان، خشتەی پلە بەرزكردنەوەی ساڵانی ٢٠١٨ و ٢٠١٩ی هێزەكانی پێشمەرگە
گەڕایەوە وەزارەتی پێشمەرگە.
لەڕاگەیانراوەکەی وەزارەتی پێشمەرگەدا هاتووە، دوای
بڕینی رێكارە یاساییەكان و تەواو كردنی رۆتینیاتی ئیداری خشتەی پلە بەرزكردنەوەی نەورۆز
و ئەیلولی هەردوو ساڵەكانی ٢٠١٨ و ٢٠١٩ی ئەفسەرانی وەزارەتی پێشمەرگە بەشایستەییەوە
گەڕایەوە وەزارەتی پێشمەرگە و فەریق روكن عیسا عوزێر سەرۆكی ئەركانی وەزارەتی پێشمەرگە
واژۆی لەسەر كرد و رێكارە ئیدارییەكانی بۆ دەگیرێتە بەر.
سەرۆكی ئەركان رایگەیاندووە، كار كراوە بۆ تەواو
كردنی خشتەكانی ٢٠١٨ و ٢٠١٩ی یەكەكانی ٧٠ و ٨٠، موژدە بە ئەفسەرانی یەكەكانی ٧٠ و
٨٠ دەدات، كە لەنزیكترین كاتدا، فەرمانی پلە بەرزكردنەوەی ئەوانیش دەردەچێت.