ئەمڕۆ دووشەممە لەدوای داواکاردنی موقتەدا سەدر بۆ گۆڕینی سیستمی سیاسیی عێراق، ئەندامێکی مەکتەبی سیاسیی پارتی لە دژی دەوەستێتەوە و دەڵێت، سیستمی سیاسیی ئێستا و دەستور ته‌نها به‌ میکانیزمی دەستوریی تەوافوقی دەگۆڕدرێت، نه‌ك بۆچوونی کەسیی. 

کەناڵی سپی میدیا لە تێلیگرام جۆین بکە..  

هۆشیار زێبارى، ئه‌ندامى مه‌كته‌بى سیاسیى پارتى ئەمڕۆ له‌ تویتێكدا ڕایگەیاند، "سیستمی سیاسیی ئێستا و دەستور تەنها به‌ میکانیزمی دەستوریی تەوافوقی دەگۆڕدرێت نه‌ك بۆچوونی کەسیی."  

دەشڵێت" بەتایبەتی کە ده‌ستور زیاتر لە %٦٠ی عێراقییەکان لە ساڵی ٢٠٠٥ دا  دەنگیان لەسەرداوە و لەلایەن کۆمەڵگەی نێودەوڵەتیشەوە پشتیوانی دەکرێت". 

ئەوەش لەکاتێکدایە، موقتەدا سەدر، رێبەری رەوتی سەدر ڕۆژی یەک شەممە، لە پەیامێکدا ڕایگەیاند، "خۆپیشاندانەکان ده‌رفه‌تێكی مه‌زنه‌ بۆ گۆڕانكاری ڕیشه‌یی له‌ سیسته‌می سیاسی و ده‌ستور و هه‌ڵبژاردن."