ئەمڕۆ سێشەممە، وەزیرى دارایی و ئابوورى لەگەڵ
شاندێکى كونسوڵخانەی گشتی ئەمریكا کۆبووە ڕایگەیاند "داهاتیان زیادکردووە و خەرجییان
کەمکردووەتەوە ".
ئاوات جەناب نووری، وەزیری دارایی و ئابووری لە
دیوانی وەزارەت لەگەڵ هەریەک لە (دێڤد کۆدڵ) بەرپرسی بەشی سیاسی-ئابووری و (هيث بێڵى)
سەرۆکی یەکەی ئابووری و (سێث پاچ) سەرۆکی پێشووى یەکەی ئابووری لە كونسوڵخانەی گشتی
ئەمریكا لە هەرێمی كوردستان کۆبووە.
وەزیری دارایی و ئابووری باسی لەوەشکرد، یەکێک
لە دەستکەوتەکانى وەزارەتى دارایی و ئابوورى لە کابینەى نۆیەم، توانیویەتى ببێتە
فاکتەرێکى بەهێز بۆ جێبەجێ کردنى یاسای چاکسازى.
هاوکات ئاوات جەناب نووری ئەوەشی دووپات کردووەتەوە،
وەزارەتى دارایی توانیویەتى داهاتى ناوخۆ زیاد بکات و خەرجییەکان کەم بکاتەوە.
شاندی میوان پشتگیری خۆیان بۆ وەزارەتی دارایی
و ئابووری دەربڕی و سوپاسى وەزیرى دارایی و ئابووریان کرد کە توانیویەتى هەنگاوى ئەرێنى
بە ئاراستەى جێبەجێکردنى یاسای چاکسازى بنێت و ئاماژەشیان بەوەدا، "هاوکارێکى
بەهێز دەبین بۆ بەرەو پێشبردنى تواناى فەرمانبەرانى وەزارەتى دارایی و ئابوورى."