حكومەتی هەرێمی كوردستان رایدەگەیەنێت "لە بەرژەوەندی گشتی و جێبەجێكردنی كارنامەی كابینەی نۆیەم ڕەزامەندی درا زیاتر لە ٧٣٦ ملیار دینار بۆ پڕۆژە بەردەوامەكان تەرخان بكرێت".
فەرمانگەی میدیا و زانیاریی حكومەتی هەرێم بڵاویكردەوە "ڕەزامەندی درا بە تەرخانكردنی ٧٣٦ ملیار و ٧٥٩ ملیۆن دیار بۆ جێبەجێكردنی پڕۆژە بەردەوامەكان بۆ ساڵانی ٢٠٢٢-٢٠٢٣".
هەروەها ئاماژە بەوەش دراوە "تەرخانكردنی ئەو بڕە پارەیە بۆ جێبەجێكردنی كارنامەی كابینەی نۆیەمە بەمەبەستی پێشكەشكردنی خزمەتگوزاریی زیاتر بە هاوڵاتییان".