چاڤی هێرناندێز راهێنەری یانەی بەرشەلۆنە رایگەیاند، بارسا دەتوانێت لە هەر تیپێکی دیکە بباتەوە، ئەمەش لە وەڵامی دۆڕاندنی بە یانەی بایرن میونشن لە چامپیۆنزلیگ، ئاماژەی بەوەشکردووە، یارییەکەی ئێلچێ هاوشێوەی یارییەکەی کادیز دەبێت.
سبەی ئێوارەی شەممە، یانەی بەرشەلۆنە لە یاریگای کامپ نوی خۆی میوانداری رکابەرەکەی دەکات، کە ناوی ئێلچێیە، لە چوارچێوەی گەڕی شەشەمی کێبڕکێکانی خولی ئیسپانیا.
چاڤی لە لێدوانێکیدا لە کۆنگرە رۆژنامەوانییەکەیدا وتی، چاوەڕوانی رکابەرێکی هاوشێوەی کادێز دەکەین. ئێلچێ وەرزی ڕابردوو بە هەمان ڕاهێنەر بۆ ئێمە قورس کرد. بەڵێ تیمەکە لە خشتەکەدا نزمە، بەڵام لەڕووی جەستەییەوە بەهێزە و هێرشبەری بەهێزی هەیە”.
کاتێک پرسیاری لەبارەی یاری بایرن میونشن لێکرا، وەڵامی دایەوە، "کۆسپ بەرامبەر بایرن؟ هێشتا بە بڕوای من دەبوو ئەم یارییە ببەینەوە. ئه‌وه شه‌رمه. ئێمە کاریگەریمان نەبوو، وردەکاری بچووکە بەڵام تۆپی پێ پشت بەم شتانە دەبەستێت”.
وتیشی: پێموایە دەتوانین لە هەر تیپێک ببەینەوە، بەڵام دەبێت بیسەلمێنین. هەستی ناوەڕاستی ڕێگاکە زۆر گەورە بوو، بەڵام ئامانجەکان بەدی نەهاتن. دەبێت یاریزانەکان قەناعەت پێبکەیت کە ئەمە ڕێگای دروستە. یارییەکی باشمان ئەنجامدا، بەڵام دەبێت کارامەتر بین. لە چامپیۆنزلیگدا ئەگەر بەرامبەرەکەت لەت نەکەیت، ئەوانیش دەتچەوسێننەوە”.