بەیانی ئەمڕۆ دووشەممە ٢٦ی ئەیلولی ٢٠٢٢ تۆپخانەکانی ئێران جارێکی دیکە بۆردومانی ناوچە سنورییەکانی شارهدێی سیدهكانی کرد.
بەپێی زانیارییەکانی ماڵپەڕی (سپی)، سەرلەبەیانی ئەمڕۆ تۆپخانەکانی ئێران چیاکانی (بەربزین، سەقەر و کوێستانی هۆڕنێ-یان) لە سنوری ناحیەی سیدەکان سەر بە پارێزگای هەولێر تۆپباران کرد.
هەر بەپێی زانیارییەکان، تۆپبارانی ئێران بۆ سەر ناوچە سنوورییەکانی دەڤەری برادۆست لە سنووری ناحیەی سیدەکان، بەشێوەی پچڕپجڕ و هەندێکجاریش بە چڕی بەردەوامە، كە ئامانج لێی لێدانە لە بنكە و بارەگاكانی حزبەكانی رۆژهەڵاتی كوردستان، بەڵام تا ئێستا لەبارەی زیانە گیانی و مادییەكانی بۆردوومانەكەوە زانیاری ورد ئاشکرا نەکراوە.
سیدەکان شارۆچکەیەکی سەر بە قەزای سۆرانە و دەکەوێتە دووری (١٤٤) کیلۆمەتری بەشی باکووری ڕۆژهەڵاتی شاری هەولێر.