بانکی ناوەندیی عێراقی رایگەیاند، دراوێکی کاغەزی نوێی عێراقی دەخاتە بازاڕەوە کە بەهاکەی ٢٠ هەزار دینارە، لەو راگەیاندنەدا هاتووشە کە بە هیچ جۆرێک بەنیازنین گۆڕانکاری لە بەهای دینار بەرامبەر دۆلاردا بکەن و بەگڕێننەوە بۆ نرخی پێشووی.
لەو راگەیاندنەدا کە ئەمڕۆ سێ شەممە ٢٧ ی ئەیلول بڵاوکرایەوە، بانکی ناوەندی عێراق باسی لە دروستکردن و خستنەبازاڕی دراوێکی کاغەزی نوێی ٢٠ هەزار دیناری دەکات و دەشڵێت، "لابردنی سفرەکانی سەر دراوی عێراقی پێویستی بە سەقامگیری و ئابورییەکی بەهێز هەیە."
چەند دەنگێک لە هاوپەیمانی چوارچێوەی هەماهەنگی لە ماوەی پێشوودا باسی دەستکاریکردنی نرخی دۆلاری دەکرد، بەڵام ئەمە چەندینجارە بانکی ناوەندی رەتیدەکاتەوە.