وەلید ریگراگی راهێنەری هەڵبژاردەی مەغریب باس لە یاریەکەی سبەینێ دەکات دژی فەرەنسا لە قۆناغی پێش کۆتایی مۆندیالی٢٠٢٢ی قەتەر کە رۆژی چوارشەممە کاتژمێر١٠:٠٠ئەنجام دەدرێت.
وەلید ڕیگراگی ڕاهێنەری مەغریب وتی " هەموو یاریەک چاوەڕێی ئەوە دەکەن کە دەربکرێین، بەڵام ئێمە هێشتا لێرەین، وەک پێشتر وتم خەون بە بردنەوەی مۆندیالەوە دەبینین، پێموانییە یەکێک لە ئێمە هەبێت زیاتر لە ئەشرەف حەکیمی مباپێ بناسێت، ئێمە زۆر لە پلانەکەمان ناگۆڕین، چونکە زۆر یاریزانی باش لە فەرەنسا هەیە.. ئەشرەف حەکیمی یەکێکە لە باشترین یاریزانەکان لە پێگەی خۆیدا لە جیهان و دڵنیام کە 200%ی ئەو شتانە دەدات کە هەیەتی”.
وتیشی "ڕۆح. ئێمە گروپێکی یەکگرتووین و یاری بە ڕۆح دەکەین، دەبێت بەهێز بین، هەموو چاوەڕوانییەکان دژی ئێمەن بەڵام ئامادەین...ماندوو نین ناتوانیت لەم قۆناغەی مۆندیالدا ماندوو بیت پێکانمان هەیە، هەمووان ئەوە دەزانن، دەبینین کێ ئامادەیە، کەس لە دەرەوە نەماوە،ئێمە لێرەین بۆ بردنەوە نەک بۆ بەدەستهێنانی تۆپ، ئایا خاڵمان پێدەدەن ئەگەر تۆپمان هەبێت".
لە کۆتایدا وتی: "ئێمە بۆ گۆڕینی عەقڵیەتی کیشوەرەکەمان هاتووین بۆ ئێرە، من تەنها بە گەیشتن بە قۆناغی پێش کۆتایی دڵخۆش نابم، دەمەوێت سەرکەوم بۆ یاری کۆتایی،ڕووبەڕووی پاڵەوانی جیهان و باشترین ڕاهێنەری جیهان دەبینەوە، هەوڵدەدەین سوپرایزێک دروست بکەین".