ئەندامێكی ئەنجومەنی سیتییەكان رایدەگەیەنێت "كارەساتە تا ئێستا هەرێمی كوردستان خاوەنی كۆدی تەلارسازی خۆی نییە لە كاتێكدا سەدان كۆمەڵگەی نیشتەجێ و دەیان تاوەری نیشتەجێی بەرز دروستكراوە، هەروەه دەَێت كارەساتە تاوەری 50 نهۆمی و هەوربڕ دروست دەكرێت، بەڵام پەیژەكانی ئاگركوژێنەوەتان 20 نهۆم تێپەڕ ناكات".
كەمال سازانی، پارێزەری راوێژكار و ئەندامی ئەنجومەنی سیتییەكان رایگەیاندووە "یاسای وەبەرهێنان جگە لە دەوڵەمەندكردنی ژمارەیەك وەبەرهێنەر چ خزمەتێكی بە بواری وەبەرهێنان كرد؟، لەم دۆخە خراپەی بومەلەرزەدا چۆن لەرز ناتانگرێ و بیرێك لە سیتیەكان ناكەنەوە و ئاوڕ بدەنەوە لەو كەلاوانە؟".
ناوبراو ئاماژەی بەوەكردووە، هێشتا بومەلەرزەی نەدیوە خەریكە هەرەس دێنێت.!، خێرە تا ئێستا جورئەتی ئەوەتان نەبووە وەبەرهێنێكی ساقیت و ساختەچی سزا بدەن و لەبری ئەوە دێن خەڵاتبارانیان دەكەن، لەپای چی و بەپێی كام مەرجی تەلارسازیی.
هەروها وتویەتی "كارەساتە تا ئێستا هەرێمی كوردستان خاوەنی كۆدی تەلارسازی خۆی نییە لە كاتێكدا سەدان كۆمەڵگەی نیشتەجێ و دەیان تاوەری نیشتەجێی بەرز دروستكراوە كام لەمانە و بە چ پێوەر و كۆدێكی تەلارسازی بنیاد نراون.؟، كارەساتە تاوەری 50 نهۆمی و هەوربڕ دروست دەكرێت، بەڵام پەیژەكانی ئاگركوژێنەوەتان 20 نهۆم تێپەڕ ناكات".