سەرچاوە ڕۆژنامەوانییەکان ڕایانگەیاندووە، ڕەنگە پاریس سانجێرمان زیاتر نەرم و نیان بێت سەبارەت بە داهاتووی کیلیان مباپێی هێرشبەر، هەروەها ڕەنگە هێرشبەرە نێودەوڵەتییە فەرەنسییەکە کە لە ڕیال مەدرید داواکراوە لە هاوینی ئەمساڵ یان هاوینی داهاتوو لە پاریس سانجێرمان بڕوات.
ئەم سەرچاوانە ئاماژەیان بەوە کردووە کە مباپێ هەوڵیداوە بەڵێننامەیەک لە یانەکەی ئێستای بەدەستبهێنێت بۆ چونی لەم هاوینەدا، لە ئەگەری ئەوەی کە ئەمە بەدەست نەهێنرێت، هێرشبەرە پاریسیەکە بڕیار دەدات لە وەرزی زستاندا گرێبەستێکی پێشوەختە لەگەڵ تیپی سپی پۆشی مەدرید واژۆ بکات لە ساڵی 2024، بۆ ئەوەی دواتر بە خۆڕایی بگاتە یاریگای سانتیاگۆ بێرنابیۆ دوای شەش مانگ.
ئاماژەی بەوەشکراوە، پاریس سانجێرمان دەتوانێت دەست بکات بە بیرکردنەوە لە داهاتووی تیپەکە بەبێ کیلیان مباپێ، هەر لەبەر ئەم هۆکارەش دانوستان لەگەڵ هێرشبەرێکی گرنگ هەیە بۆ بەهێزکردنی هێڵی پێشەوە لە وەرزی داهاتوو.