ئەمڕۆ نرخی نەوت بە هەردوو جۆرەکەیەوە لە بازاڕەکانی جیهاندا بەشێوەیەکی بەرچاو ڕووی لە بەرزبوونەوە کرد.
لە ئێستادا نرخی یەک بەرمیل نەوتی برێنت گەیشتە ٩٠ دۆلار و ٤٤ سەنت، بەڵام لە کاتی داخستنی بازاڕدا بە ٨٩ دۆلار و ٩٢ سەنت بوو.
هەروەها نرخی بەرمیلێک نەوتی خاوی ڕۆژئاوای تەکساسیش گەیشتە ٨٧ دۆلار و ٢٣ سەنت، لە کاتێکدا لە کاتی داخستنی بازاڕدا بە ٨٦ دۆلار و ٨٧ سەنت بوو.
بەرزبوونەوە و دابەزینی نرخی نەوت لە کاتێکدایە، لە ماوەکانی ڕابردوودا هەریەک لە عێراق و روسیا و سعودییە و ئیمارات و جەزائیر و کوێت و عومان بڕیاریان دا، بە ئامانجی سەقامگیری نرخی نەوت لە بازاڕەکانی جیهان و راگرتنی هاوسەنگی لە نێوان خواست و خستنە بازاڕدا بەرهەمهێنانی رۆژانەی نەوتیان کەمکردەوە.