کچێکی ١٨ ساڵ بە تەقەی هێزە ئەمنییەکانی ئێران کوژرا

کچێکی تەمەن ١٨ ساڵان لە ناوچەی کاکاوەندی شاری نوورئاوا لە ماڵی خۆیاندا بە تەقەی راستەوخۆی هێزە ئەمنییەکانی کۆماری ئیسلامی ئێران کوژرا. 

ئەمڕۆ یەکشەممە رێکخراوی مافی مرۆڤی هەنگاو رایگەیاند" رۆژی پێنجشەممەی ڕابردوو رازیە رەحمانی تەمەن ١٨ ساڵ لە گوندی گۆیژە سەر بە ناوچەی کاکاوەندی شاری نوورئاوای پارێزگای لوڕستان لە ئەنجامی هێرشی هێزە ئەمنییەکان بۆسەر ماڵەکەیان بە تەقەی ڕاستەوخۆی یەکێک لە چەکدارەکان کوژراوە". 

رێکخراوی هەنگاو لە زاری سەرچاوەیەکەیەوە راشیگەیاندووە" هێزە ئەمنییەکان بە بیانووی دیتنەوەی ماددەی هۆشبەر هەڵیانکوتاوەتە سەر ماڵی شوکر ڕەزا ڕەحمانی و بەهۆی خۆڕاگری بنەماڵەکەی لە بەرانبەر هێرشی ئەو هێزانە، لە نێوان ئەندامانی ئەو بنەماڵەیە و هێزە ئەمنییەکاندا گرژی و ئاڵۆزی درووستبووە و لە ئەنجامیدا ڕازیە ڕەحمانی بە چەکی کۆڵت سەری کراوەتە ئامانجی تەقەی ڕاستەوخۆی یەکێک لەو هێزانە و دەستبەجێ گیانی لەدەستداوە". 


PM:07:33:23/06/2024