سزای لە سێدارەدان بەسەر هاوسەری ئەبوبەکر بەغدادی سەپێندرا

دادگای تاوانەکانی کەرخ لە بەغداد بڕیاری لە سێدارەدانی بۆ هاوسەری ئەبوبەکر بەغدادی سەرۆکی پێشووی ڕێکخراوی داعش دەرکرد، بەهۆی ئەوەی بە تاوانی کارکردن لەگەڵ ئەو ڕێکخراوە و ڕاگرتنی ژنانی ئێزیدی لە ماڵەکەی خۆیدا سزای بەسەردا سەپێندراوە. 

بەیانی ئەمڕۆ چوارشەممە دادگای تاوانەکانی کەرخ لە بەغداد لە بەیاننامەیەکدا بڵاویکردەوە" ئەسما محەمەد هاوسەری ئەبوبەکر بەغدادی ئەو ژنە ئێزیدیانەی لە ماڵەکەی خۆیدا دەستبەسەرکردووە، دواتر لەلایەن چەکدارانی داعشەوە لە قەزای شنگال لە ڕۆژئاوای پارێزگای نەینەوا ڕفاندویانن". 

لە ڕاگەیەندراوەکەدا ئەوەش هاتووە" حوکمی دژی ئەو بەپێی بڕگەکانی مادەی چوار/١ و بە مانای ماددەی دوو/١ و ٣ی یاسای بەرەنگاربوونەوەی تیرۆری ژمارە ١٣ی ساڵی ٢٠٠٥ و دەرئەنجام بە بڕگەکانی مادەی حەوت/یەکەم لە یاسای ڕزگاربووانی ژنانی ئێزیدی ژمارە ٨ی ساڵی ٢٠٢١ دەرچووە". 

AM:11:05:10/07/2024