سوپای پاسداران لە راگەیەنراوێکدا ئەنجامی لێکۆڵینەوەکانی لەبارەی چۆنێتی کوژرانی هەنییە بڵاودەکاتەوە و دەڵێت" ئەم کارە لەلایەن ڕژێمی زایۆنیستی داڕێژراو و جێبەجێ کرا و لەلایەن حکومەتی تاوانکاری ئەمریکاوە پشتیوانی لێکرا، ئیسرائیل لە کاتی گونجاودا سزایەکی قورس دەدرێت".
ئەمڕۆ شەممە ٣ی ئابی ٢٠٢٤ لە راگەیەنراوێکدا سوپای پاسدارانی ئێران سەبارەت بە کوژرانی ئیسمائیل هەنییە بڵاویکردووەتەوە" لە ڕوانگەی کردەوەی تیرۆریستیی ڕژیمی تاوانکاری زایۆنیستی کە بووە هۆی شەهید بوونی شەهیدی پلە باڵای دوکتور ئیسماعیل هەنیە، بەرپرسی ئازای مەکتەبی سیاسی بزووتنەوەی خۆڕاگری ئیسلامی (حەماس) و هاوەڵەکەی، خەڵکی ئێران ئاگادار دەکەینەوە، ئەم کارە لەلایەن ڕژێمی زایۆنیستی داڕێژراو و جێبەجێ کرا و لەلایەن حکومەتی تاوانکاری ئەمریکاوە پشتیوانی لێکرا".
لە راگەیەنراوەکەی سوپای پاسداراندا هاتووە" بەپێی لێکۆڵینەوە و لێکۆڵینەوەکان، ئەم ئۆپەراسیۆنە تیرۆریستییە بە تەقاندنی موشەکێکی کورت مەودا بە سەری جەنگی نزیکەی ٧ کیلۆگرام، لەگەڵ تەقینەوەیەکی بەهێز، لە دەرەوەی ناوچەی شوێنی نیشتەجێبوونی میوانەکانەوە ئەنجامدراوە".
سوپای پاسداران دەڵێت" لە کۆتاییدا جەخت دەکەینەوە کە خوێنی شەهید ئیسماعیل هەنیە یەکلاکەرەوەیە و ڕژێمی تیرۆریستی زایۆنی لە کات و شوێنی گونجاودا وەڵامێک و سزایەکی قورس بۆ ئەم تاوانە وەردەگرێت".
لای خۆشیەوە ڕۆژنامەی ئەمریکی نیویۆرک تایمز بە پشتبەستن بە سەرچاوە ئاگادارەکانی ئێران بڵاویکردەوە کە" دەسەڵاتدارانی ئێران لە دوای کوژرانی ئیسماعیل هەنیە زیاتر لە ٢٠ کەسیان دەستگیرکردووە کە لە نێویاندا (ئەفسەرانی باڵای هەواڵگری و بەرپرسانی سەربازی و کارمەندانی ئەو میوانخانەیە لە باکووری تاران کە لەلایەن سوپاوە بەڕێوەدەبرێت)هەیە، سوپای پاسداران لێکۆڵینەوە لە ڕووداوەکەیان گرتووەتە ئەستۆ و بەدوای تۆمەتبارەکاندا دەگەڕێن ".
ئەو هەڕەشانەی ئێران دوای ئەوە دێت کە ئیسماعیل هەنیە کەسی یەکەمی بزووتنەوەی حەماس بەرەبەیانی ٣١ ی تەموز لە تاران کرایە ئامانجی ئیسرائیلیەکان و دوای کوژرانی خامنەیی فەرمانی کرد کە " راستەوخۆ هێرش بکرێتە سەر ئیسرائیل".