ئەمڕۆ دووشەممە دادگای فیدڕاڵی تاوتوێ سکاڵایەک دەکات کە دژی مەرجەکانی فرەژنی لە هەرێمی کوردستان تۆمار کراوە.
بە گوێرەی خشتەی دانیشتنی دادگای فیدڕاڵی ئەمڕۆ دووشەممە ١٢ی ئابی ٢٠٢٤ دادگای باڵای فیدراڵی عێراق یەکەم دانیشتن تایبەت لەبارەی سکاڵایەک دەکات، کە دژی مەرجەکانی فرەژنی لە هەرێمی کوردستان تۆمار کراوە.
سکاڵاکە لەسەر داوای هەر سێ پارێزەر ئاسۆ هاشم، موحسین هەرتەلی و سەردار شێخانی، دژی سەرۆکی پەرلەمانی کوردستان پێشکێشیان کردووە.
سکاڵاکاران داوا دەکەن مادەی یەکەمی هەمواری یاسای باری کەسێتی ژمارە(١٥)ی ساڵی(٢٠٠٨)ی پەرلەمانی کوردستان بە نادەستووری بناسێنێت، کە هەمواری یاسای باری کەسێتی عێراقەو دوو مەرجی ئەو یاسایەی بۆ فرەژنی راگرتووەو لەبری ئەوە(٧)مەرجی داناوە.