دادگای سلێمانی بڕیارده‌دات تا 15 رۆژی تر سه‌رۆكی ئه‌نجومه‌نی پارێزگاو پارێزگاری سلێمانی هه‌ڵبژێردرێت‌و بەكراوەیی هێشتنتەوەی ئەنجومەنی پارێزگای سلێمانی هەڵوەشاندەوە.

هێرش سه‌ردار پارێزه‌ر له‌ رێكخراوی سكاڵاو چاودێری به‌ PUKmedia ی راگه‌یاند: دوای چه‌ندین دانیشتن، ئه‌مڕۆ 13-11-2014 دادگای سلێمانی بڕیاریدا به‌ هه‌ڵوه‌شاندنه‌وه‌ی به‌كراوه‌یی هێشتنی كۆبونه‌وه‌ی ئه‌نجومه‌نی پارێزگای سلێمانی.

وتیشی: به‌پێی ئه‌و بڕیاره‌ ئه‌ندامانی ئه‌نجومه‌نی پارێزگای سلێمانی پابه‌ند كردووه‌ كه‌ له‌ ئه‌مڕۆوه‌ تا 15 رۆژی تر پێویسته‌ سه‌رۆكی ئه‌نجومه‌نی پارێزگاو پارێزگاری سلێمانی هه‌ڵبژێردرێت.

راشیگه‌یاند: ئه‌مه‌ش دوای ئه‌وه‌ دێت كه‌ رێكخراوی سكاڵاو چاودێری وه‌ك رێكخراوێكی كۆمه‌ڵگه‌ی مه‌ده‌نی سكاڵای یاسایی له‌سه‌ر ئه‌نجومه‌نی كاتی پارێزگای سلێمانی تۆماركرد به‌وه‌ی كه‌ به‌ شێوه‌یه‌كی نایاسایی و به‌ شێوه‌ی كراوه‌یی كۆبونه‌وه‌كانی هێشتووه‌ته‌وه‌، بۆیه‌ ئه‌مڕۆ دادگای سلێمانی بڕیاری خۆی دا له‌وباره‌یه‌وه‌، چونكه‌ له‌ رابردوودا یاسایان شكاندووه‌ به‌وه‌ی كۆبونه‌وه‌كانیان به‌ كراوه‌یی هێشتووه‌ته‌وه‌.