سلێمانی.. پرۆژه‌یه‌كی كۆمپانیای نالیا راده‌گیرێت
بە بڕیارێكی سه‌رۆكی شاره‌وانی سلێمانی كاركردن له‌پرۆژه‌یه‌كی كۆمپانیای نالیا لەشاری سلێمانی راگیرا.
ئه‌مڕۆ 9/4 سه‌رۆكی شاره‌وانی سلێمانی سه‌ردانی پرۆژه‌یه‌كی كۆمپانیای نالیای كرد، كه دروستكردنی دوو ڤێلای شاهانه‌یه.
دواتر له‌كۆنگره‌یه‌كی رۆژنامه‌وانیدا یوسف یاسین سه‌رۆكی شاره‌وانی سلێمانی وتی: ئه‌مڕۆ سه‌ردانی ئه‌م پرۆژه‌یه‌مان كرد كه به موڵك ده‌گه‌ڕێته‌وه بۆ كۆمپانیای چاڤی لاند كه رووبه‌ره‌كه‌ی 1600م.
وتیشی :پرۆژه‌كه دروستكردنی دوو ڤێلای شاهانه‌یه، به‌ڵام پرۆژه‌كه مۆڵه‌تی وه‌به‌رهێنانی نیه و تا مۆڵه‌تی وه‌به‌رهێنان ده‌رنه‌هێنێت رێگه به كۆمپانیای نالیا ناده‌ین كار له‌و پرۆژه‌یه‌دا بكات.
PM:03:52:09/04/2017