سەرۆكایەتی دادگای تێهەڵچوونەوەی ناوچەی سلێمانی سەبارەت بەكاتی دەستپێكردنەوەی كاتی دەوامی دادگاكەیان ئاگادارینامەیەكی بڵاوكردەوە.
لە ئاگادارینامەیەكدا كە سەرۆكایەتی دادگای تێهەڵچوونەوەی ناوچەی سلێمانی-دا بڵاویكردوەتەوە هاتووە "سەرۆكایەتی دادگای تێهەڵچونەوەی ناوچەی سلێمانی ئاگاداری هاووڵاتیان دەكاتەوە كە بەهۆی ئاسایی بوونەوەی دۆخی دەوروبەری دادگای سلێمانی لە ڕۆژی یەكشەممە 8-4-2018ـەوە دەوامی دادگا ئاسایی دەبێتەوە".
لەئاگادارینامەكەدا ئەوەش هاتووە "داوا لە سەرجەم فەرمانبەران و كارمەندانی دادگا دەكەین پابەندی دەوامی ئاسایی خۆیان بن".
بەهۆی خۆپیشاندانەكانی مامۆستایانەوە لە25ی مانگی رابردوە چادریان لەبەردەم دادگای سلێمانیدا هەڵدابوو دادگای سلیمانی دەوامی راگرتبوو لەدوێنیشەوە مامۆستایان چادرەکانیان لابردوە.