هەر چوار کەناڵەکەی NRT بۆ هەفتەیەک دادەخرێت

‌
ئیدارەی کەناڵی ئێن ئارتی کە چوار کەناڵی ئاسمانی هەیە وەک رایدەگەیەنن لە پێناو ئەنجامدانی کۆمەڵێک گۆڕانکاری بۆ پێنج رۆژ پەخش رادەگرن.


ئەو دەزگا میدیایە ئاماژە بۆ ئەوە دەکات" لە پێناو ئەنجامدانی گۆڕانکاری نوێ لە هەر چوار کەناڵەکەی ئێن ئاڕ تی، کاتژمێر ١٢ی شەوی پێنج شەممە (واتە بەرەبەیانی رۆژی هەینی)، هەر چوار کەناڵەکانی ئێن ئاڕ تی دادەخرێت و داخستنەکەش بۆ ماوەی پێنج رۆژ و٢٠ کاتژمێر هەتا ٨ رۆژ دەخایەنێت بەپێی کەناڵەکان".


هەروەها ئەوەش دەخەنەڕوو کە کەناڵی ئێن ئاڕ تی یەک لە ساڵیادی دامەزراندنیدا و لە رۆژی چوارشەممە رێکەوتی ١٧ی شوبات کاتژمێر ٧:٥٥ خولەکی ئێوارە بە شێوازێکی نوێ کەناڵەکەی خۆتان(ئێن ئاڕ تی) دەگەڕێتەوە لاتان.


کەناڵی ئێن ئاڕ تی دوو لە ساڵیادی دامەزراندنیدا و لە رێکەوتی ٢٠ ی شوبات دەکرێتەوە.


کەناڵی ئێن ئاڕ تی سێ رۆژی ١٨ی شوبات دەکرێتەوە.


کەناڵی ئێن ئاڕ تی چوار رۆژی ١٩ی شوبات دەکرێتەوە.


کەناڵی ئێن ئارتی کە خاوەنداریەکەی دەگەڕێتەوە بۆ شاسوار عەبدولواحید سەرۆکی نەوەی نوێ، لە مانگی شوباتی ٢٠١١ دا دامەزرا، بەڵام دوا چەند رۆژێک بەهۆی پێشاندانی خۆپیشاندانەکانی شوباتی ئەو ساڵەوە سوتێنرا، هەروەها لە دە ساڵە تەمەنیدا چەندجارێکی لەلایەن دەسەڵاتدارانی هەرێمەوە لەگەڵ رۆژنامەنووسەکانیدا رووبەڕووی هەڕەشەو ئاستەنگ بوونەتەوە.
 



PM:03:22:11/02/2021






ئەستێرەکان

Spee Media