وەزارەتی کشتوکاڵ ژمارەیەک کارمەند دادەمەزرێنێت

‌
 وەزارەتی کشتوکاڵ و سەرچاوەکانی ئاوی حكومه‌تی ھەرێم بڕیاری داوە ١٧١ پزیشكی كاتیی ڤیتێرنه‌ری ده‌رکراوە و لەمەودوا دەبن بە هەمیشەیی.


حسێن حەمەکەریم وتەبێژی وەزارەتی کشتوکاڵ و سەرچاوەکانی ئاو ئەمڕۆ پێنجشەممە، بە ماڵپەڕی فەرمی پارتی راگەیاندووە، "بڕیاری دامه‌زراندن بۆ ژماره‌یه‌ك پزیشكی كاتیی ڤێتێرنه‌ری  له‌لایه‌‌ن ئه‌نجومه‌نی وه‌زیران و وه‌زاره‌تی داراییەوە ده‌رچووه".


وتەبێژی وه‌زاره‌تی كشتوكاڵی حکومەتی ھەرێمی ئەوەشی خستەڕوو، ژماره‌ی ئه‌و پزیشكانه‌ی كه‌ كاتیی بوون و بوون به‌ هه‌میشه‌یی ١٧١ پزیشكی ڤێتێرنه‌رین کە لە شاری سلێمانی ٩٠ كه‌س و له‌ شاری دهۆك ٤٩ و له‌ پارێزگای هه‌ولێر ١٥ و له‌ گه‌رمیان ١٠ کەس و له‌ شاری هه‌ڵه‌بجه‌ش حەوت كه‌س.


وتەبێژی وەزارەتی کشتوکاڵ و سەرچاوەکانی ئاو ئەوەش دەخاتەڕوو، ماوه‌یه‌كه‌ بێگه‌رد تاڵه‌بانی وه‌زیری كشتوكاڵ و سه‌رچاوه‌کانی ئاو،  له‌ هه‌وڵی‌ ئه‌وه‌دایه ئه‌و پزیشكانه‌ بكرێن به‌ هه‌میشەیی،‌ له‌به‌ر ئه‌وه‌ی له‌  ساڵانی رابردوو خانه‌نشینبوونی ژماره‌یه‌كی زۆری پزیشكانی ڤێتێرنه‌ری كاری كردبووه‌ سه‌ر ئه‌وه‌ی لە به‌شێك له‌ بەڕێوبه‌رایه‌تییه‌كانی ئەو بوارە و بۆشایی دروستکردبوو.
 



PM:11:28:25/02/2021






ئەستێرەکان

Spee Media