سهرۆکایهتی ههرێم له راگهیهنراوێکدا وهڵامی سهرۆکی (عصائب اهل الحق) کهرێکخراوێكی شیعهیه دهداتهوهو پێدهڵێن " ههموو کهس دهزانێت تۆ چ رابردوویهکت ههیه"( چیتر هێرش مهکه سهر کورد).
سهرۆکایهتی ههرێم وهڵامی قیس خهزعهلی که سهرۆکی رێکخراوێكی ( میلیشیای شیعهیه) دهداتهوه و دهڵێت "پێویسته کهسایهتییه شیعهکان رێاگ نهدهن ئهو دهنگه ناشازانه ببنه ههڕهشه لهسهر تهبایی و پێکهوه ژیان و نانهوهی فیتنه".
دهقی راگهیندراوهكه :
ڕاگەیەندراوێک سەبارەت بەو هەڕەشانەی لە بەغدا و ناوچەکانی تری عێراق دەکرێنە سەر کورد
دوای ڕووداوەکانی ئەم دواییەی موسڵ و ناوچەکانی ناوەڕاستی عێراق، قەیس خەزعەلی، ئەمینداری ئەو گروپەی خۆیان بە (عصائب اهل الحق) دەناسێنن، کەتوونەتە بڵاوکردنەوەی هەڕەشە و لێدوانی شۆڤینیانەی پڕ لە ڕق و کینە بەرانبەر کوردی نیشتەجێی بەغدا و شارەکانی تری عێراق. ناوبراو هەر بەوەش نەوەستاوە و ئەندامانی گرووپەکەی هان داوە کە لەو ناوچانە هەڕەشە لە کورد بکەن و هەڕەشەکانیشیان لە ڕاگەیاندنەکاندا بڵاو بکەنەوە.
خەڵکی کوردستان چاویان لەوەیە مەرجەعە بەڕێزەکانی شیعە و حزب و کەسایەتییەکانی شیعە لە بەغدا و باشووری عێراق ڕۆڵی خۆیان بگێڕن و ڕێگە نەدەن ئەو دەنگە نەشازانە ببنە هەڕەشە لەسەر تەبایی و پیکەوە ژیان و ئەوانە بێ دەنگ بکەن کە دەیانەوێ فیتنە و ئاژاوە بنێنەوە.
کەسێکی وەک قەیس خەزعەلی کە هەموو کەس دەزانێ چ ڕابردوویەکی هەیە هەرگیز ناتوانێ کورد بترسێنێت، بەڵام بە ڕاشکاوی ڕایدەگەیەنین، هەرچییەک ڕووبدات بەرپرسیارێتییەکەی دەکەوێتە ئەستۆی ناوبراو .
پێویستە حکوومەتی عێراق بەرپرسیارێتیی یاسایی خۆی لە پاراستنی کوردی دانیشتووی بەغدا و ناوچەکانی تری عێراق و سەرجەم هاووڵاتییان بە باشی جێبەجێ بکات و جێگەی پرسیارە چۆن دەبێ لە پایتەختی وڵاتدا گرووپێک بتوانن بە ئاشکرا هەڕەشە لە هاووڵاتییان بکەن؟
سەرچاوەیەکی ڕۆژنامەوانی لە سەرۆکایەتیی هەرێمی کوردستان
19/6/2014